〔1500蚊一隻SHOEI有冇可能?〕 「頭盔王」成為不法之徒盜名對象
首頁 > 業內新聞 >〔1500蚊一隻SHOEI有冇可能?〕 「頭盔王」成為不法之徒盜名對象
〔1500蚊一隻SHOEI有冇可能?〕 「頭盔王」成為不法之徒盜名對象
  • 上載日期:2022-04-19

 

注意:頭盔王假FB專頁出現!!!

了解1元頭盔POST的行騙手法

無中生有的「SHOEI招財貓開面頭盔」,何來正貨呢?

 

〔1500蚊一隻SHOEI有冇可能?〕
「頭盔王」成為不法之徒盜名對象
頭盔王沒有在marketplace進行任何推廣活動

 

無論品牌或店舖出名了,都有可能成為不法之徒盜名對象
大家必需先了解想購買產品的「合理售價」,「太低價」根本好大問題,一句永恆的實話:(((((( 便宜莫貪 ))))))

 

係facebook marketplace的搜尋打「頭盔」兩字,除正常二手頭盔買賣外,基本上大量賣假頭盔的POST,許多明眼一看就有問題,箇中原因小編已經在MOTO ONE facebook或網址分享,大家可以按連結及下方圖文重溫。

 

本誌得到頭盔王的消息,今日再在facebook marketplace的搜尋打「頭盔王」,真係何其壯觀,出現大量自稱「頭盔王」(Helmet King)的不知名賣家,出售低價頭盔,問題非常嚴重。頭盔王亦製作介紹圖文,為大家如何分清真偽。

 

據頭盔王負責人稱:頭盔王沒有在facebook marketplace進行任何推廣活動,facebook marketplace一切自稱「頭盔王」的賣家,與真正的頭盔王無關,敬請注意。

 

假賣家不單盜用「頭盔王」名稱,連公司的宣傳句子一一抄襲,無恥之極。

 

頭盔王近日收到大量的客人查詢,希望了解facebook上湧現以頭盔王名義出售的頭盔真偽。頭盔王特此製作了一系列的圖解,向大家分享如何判別facebook marketplace上賣家的真偽。

 

頭盔王只會在官網Helmetking.com以及實體店售貨。如果遇到來歷不明的貨源,在其他渠道以頭盔王名義向你兜售,請先聯絡頭盔王查明真偽。

 

 

 

 

 

 

 

 

 

 

 

賣假貨前,好心做下功課先啦!
近來較少留意 Marketplace,不出意料外,一開又係翻版假貨頭盔的聖地,假貨多到嘔。
今次簡依個介紹,好明顯依個假頭盔賣家,連AGV 同SHOEI基本知識也沒有。明明帽型係SHOEI X14,點可以噏得出係 AGV PISTA GP RR頭盔,9唔搭8,好心做下功課先啦!

 

~~~~~~~~~~~~~~~~~~~~~~~~~~~

 

 

超吸引外觀的「假SHOEI X14 X R1 頭盔」
早兩天,有朋友發過一條車谷的連結給我,內裡正是代友出售此兩款頭盔,仲話係台灣行貨,不過,過了只是一會即被此谷谷友圍攻,迅即刪POST。今日,我又留意Marketplace市場動態,再看到此兩頂假SHOEI X14 X R1 頭盔,即同大家分享吧﹗

 

(((((SHOEI正貨絕對無出過依兩款頭盔。)))))
上網尋找,其實真係有依兩頂SHOEI X14 X R1 頭盔存在,不過係由設計高手自製個人作品,真品美得目不暇給,如藝術品的頭盔。合理相信,製作、設計、噴油的工錢,遠遠高於SHOEI X14正貨頭盔的價值,專業的人工,不可小看。

 

講番今次假SHOEI X14 X R1 頭盔,其實係外觀拉花黎講,係好靚,仲好配合R1添。不過又係個句啦﹗幾型都好,假野就係假野,戴上去柒就係柒,無容置疑。仲有安全保護的規格係嘜?真係一D保障都冇囉﹗

 

網上市場看到的定價
(60週年黃色)YAMAHA頭盔 $1,680 有存貨
(R1M) X14 $1

 

~~~~~~~~~~~~~~~~~~~~~~~~~~~

 

較早前,假貨頭盔充斥社交網絡內,令許多新手中招。不過,此情況一度轉淡,令人已為假貨頭盔有退卻現象。

 

今日,有朋友發放這個專頁給小編看,再次看到多款SHOEI正貨沒有推出的拉花,出現在該專頁的廣告片段內。小編以個人身份,求真提問兩次,最後提問秒間被移除,並刪除小編留言功能。
對於該專頁所出售的商品,絕對沒有信心可言。請大家小心不實網站的鎖售手法,提提新手,便宜莫貪。
請去有實店及信用良好網店,不要去來歷不明,已低價誘人的網站或專頁。

 

~~~~~~~~~~~~~~~~~~~~~~~~~~~

 

假頭盔專頁大包圍 - 多重影分身
三個都一樣寫得「SHOEL」出來,就知佢地幾假啦﹗
同一批假頭盔相,在短短的時間內已有「頭盔之家」(依個名有兩個專頁)、「機車之家」及「摩托車頭盔m」等四個賣假頭盔專頁,可以看到,開專頁賣假貨,係幾咁容易。

 

小編睇過「頭盔之家」及「機車之家」的文字介紹,發現用詞一樣,仲有將SHOEI錯寫為「SHOEL」,三個專頁都一樣,可以看出很大機會是同一奸商。如果其一專頁被封,還有其他可以運作,簡單又有效率。

 

只好慨嘆,賣假貨專頁如冇掩雞籠,自出自入。希望大家多提新手,小心假貨。

 

~~~~~~~~~~~~~~~~~~~~~~~~~~~

 

12個賣家賣同一樣野、同一樣錯,何其壯觀呢﹗
好似搜極都有,單單一個七夕甜甜價 
寫AGV PISTA頭盔,帽型 SHOEI X14
仲有係SHOEI正貨冇出過的DUCATI V4S拉花
Marketplace 已經找到12個賣家(可能唔止)賣同一樣野,用同一段字介紹
12個賣家一齊錯?
係佢地一齊太冇知識?
定係佢地太有組識?
又或係幾多影分身呢?
假貨賣家,實在太多了﹗

 

~~~~~~~~~~~~~~~~~~~~~~~~~~~

 

網絡翻版頭盔相片
其實要幾無恥、同幾無知,先會做出 mm93 shoei花 x 彷agv帽,真係「創作力量同幻想會驚你一跳,小雲同小吉好重要」出賣年齡的金曲

 

一則笑話:
標示「中環中心」賣SHOEI 馬坤斯 LEVEL 7 WORLD CHAMPION 2018 金盔
剛剛發現一個叫「SkyRider騎行裝備」專頁,真係好Q好笑,所以同大家分享。首先「SHOEI 馬坤斯 LEVEL 7 WORLD CHAMPION 2018 金盔」唔會出市販版,除咗馬坤斯自己擁有,其他人只可以自行DIY或找專業噴油人士,才可達成仿造外觀版本,所以現貨發售已經肯定係假。


不過咁唔係好笑,賣假野現在很多很普遍。只係睇番佢標示地址,真係又假又作大到嘔,竟然係「中環中心」。小編唔識地產,都知到唔方平租,再上網尋覓其中一地產租售網,該網「中環中心」最平租金都要10萬幾,你話用來做頭盔倉賣頭盔,邊會用依D頂級寫字樓,做假門面,幾好笑呢﹗


(((((SkyRider騎行裝備)))))
不過依家專頁算係有用心,都COPY咗頭盔介紹資料,唔係連AGV同SHOEI都唔識分個隻,依點要讚。仲好心分享「關於假冒頭盔和配件的重要安全通知」,當正自己賣真貨,勁厚面皮﹗
仲有段好笑宣傳


「SkyRider是香港最受歡迎的電單車用品及維修中心之一。專營來自世界各地深受電單車迷熱愛的產品,如Shoei、Arai、Agv、Shark等,並提供專業維修及改裝服務,產品價錢實惠,服務品質優良,全心全意造福車友!」


依段係本誌其中一個客戶的宣傳句,佢當然唔係SkyRider啦﹗SkyRider又係COPY,不過SkyRider連真實地址都冇,點可以做到「香港最受歡迎的電單車用品及維修中心之一」呢?真係吹水冇極限,只要夠無恥。
依家D網友好醒啦﹗分享下佢地的留言睇下。

 

注意:頭盔王假FB專頁出現!!!

了解1元頭盔POST的行騙手法

無中生有的「SHOEI招財貓開面頭盔」,何來正貨呢?

 

 
 
 
 


 

會員感想分享

總計 0 個記錄,共 1 頁。 第一頁 上一頁 下一頁 最末頁
E-mail: 用戶名: 匿名用戶
感想內容:
評論等級:
驗 證 碼: 验证码